BP Trio 2018

Foto Trio

Randy           Stevie I           Bart

Evenemente

BP Jeugdtrio 2018

Roajfoto jeugdtrio1

Waog 'n gökske

Beerpiëp Jeugprinsematinee

BPJlogoWae wuuert de zevende jeugprins van De Beerpiëp? Ónger de 'opgesjaote jóngere' van Tegele, Steyl en de Hei is de aafgeloupe waeke al flink gesjpeculeerd euver de name van de nieje prins en zien adjudante. Zóndig 21 januari make zeej zich bekind op 't Beerpiëp Jeugprinsematinee in de kleine zaal van d'n Haandert. In naovolging van zien veurgengers zal ouch 't Trio 2018 óngetwiefeld op sjpektakulaire wieze ziene entreej make.
Maar d'r velt nag mier te zeen en belaeve. Zoe zien d'r optraejes van de dansgarde van D'n Oeles en nemes minder as Marleen Rutten, en dreijt DJ Albi 't ganse program aanein.
't Beerpiëp Jeugprinsematinee begint öm 16.00 oor, 't oétkómme van 't nieje trio is öm kloksjlaag elf euver half 5. De toegang is gratis.

Stevie Haazen nieje Beerpiëpprins

Prins: Stevie I (Haazen)

Adjudant: Randy (Trines)                    Adjudant: Bart (Rijvers)

Trio poster Beerpiep 2018.1

't nieje Piepke is oét !

Op 7 januari is op zón 8000 adresse in Tegelen en Steyl het nieje Piepke op de deurmat of in de breevebus gevalle.
In de 35ste oetgaaf van ós vastelaoveskrant wuuert ouch dit jaor ‘t programma van de Beerpiëp gepresenteerd en in waord en beeld truuk gekeke naor de hoëgtepunte van het vurrig sezoen.

Mèt uch wiekbös naor seniorezitting Witte Hoes

De seniorezitting in ‘t Witte Hoes is ouch dit jaor lieëgdrempelig van opzet. Vur 3 euro biede de sjtichting VAT en vastelaovesgezelsjap De Beerpiëp in samewerking mèt Tzorg op vriedig 9 februari wir twieë eurkes topvermaak, mèt van 12.30 toet 14.30 oor optraejes van Trio de Janeiro, Sylvia Ramakers (buut), Gé Deenen, ‘t duo Bart en Karen en Joekskoeer Toujours.

Cambrinusbal mèt oetrope Beerpiëptrio en oetreiking Pannekletser

Mèt ‘t Cambrinusbal geit vastelaovesgezelsjap De Beerpiëp zoeë wie idder jaor veurop in d’n aanloup naor d’n Tegelse vastelaovend.

De veerde editie is op zaoterdig 13 januari in d’n Haandert en äöpent al vruug in d’n aovond mèt de oetreiking van de 38ste Pannekletser aan Theo Thurlings. Hae krieg de hoeëgste óngersjeiing van de Beerpiëp vanwaege zien breije maatsjappelijke inzet en betrokkeheid. Zoeë is de 56-jäörige Tegelenaer vur tal van vereiniginge en sjtichtinge in Tegele en op Sjteyl besjteurlijk actief (gewaees) as penningmeister.

Aktiviteite Vastelaovend 2018