Aajerwets Spätsjoppe beej Coëba

Vastelaovend in Tegele begint op vastelaoveszóndig ouch dit jaor met ’t Aajerwets Spätsjoppe beej Coëba.
De belangsjtelling vur ’t vastelaovesmatinee is de aafgeloupe jaore zoé gesjtege, det ’t zaelke al inkele jaore is oétgebreijd met ’n tent en ’n extra tappunt. Door de oétbaters van kefee Schillings, in Tegele baeter bekind as ‘Beej Coëba’, wuúrt in samewerking met de Alfa Fanclub en vastelaovesgezelsjap De Beerpiëp wir ’n program aangebaoje wao-mei de organisatore de vastelaovend van vruúger wille laote herlaeve.

Lekker gemütlich spätsjoppe wies laat in de middig en vruúge aovend, met meziek vur alle laeftiéde en ouch ’t nuëdige kulinaire genot. Boéte in de tent achter ’t zaelke wuúrt in de Sjinkebar lekkere vastelaoves-bik klaor gemak, zoe-wie kerboét, ertesoep en currywors.

Beej de Beerpiëp-residensie  aan de Keuningsjtraot is ’t dus wir te doon op vastelaoveszóndig. D’r is gezellige meziek wao-beej geklasjeneerd ken waere, aafgewisseld met optraejes van ónger mier Julia Beurskens, Tobias Berger, Neppie, Sandra & Marco en de Partymakers Tropicano.
Ut achste Spätsjoppe begint um 13.11 oor, de toegang is gratis. 

Spatsjoppe groot