Gén Tegelse gangmakers in 2021

Nao riep beraod binne de versjillende geledinge van de gezamelijke Samenwerkende Tegelse Vastelaovesgezelsjappe (S.T.V.) hebbe de aafzongerlijke bestjteure van respectievelijk V.g. De Beerpiëp, V.g. D'n Oeles, V.V. De Boereraod en Vv. De Kaetelaers besjlaote um in 2021 gén hoëghede oét te rope. Waeges de ondudelijkheid rongkum Corona is deze knoup nôw al doorgehak.

 Alle veer de vereniginge gaeve vur ‘t neet oétrope van nieje Tegelse gangmaekers in 2021 de volgende verklaoring:

“Het liek ôs gén good idee um eine Prins, Boerebroédspaar of Vors Lucifer oét te rope. Dit besjloét wuërt auch breid gedrage binne de versjillende vereniginge. Het belangriekste argument is dét weej te maken hebbe met vuël onzekerhede en det weej de Tegelse gangmaekers neet dét kenne beeje wat weej normaal vur ouge hebbe. Wao meugelijk, mits netuurlijk toegesjtaon en binne de regels van de euverheid, wille weej waal dinke euver meugelijkhede um d’n Tegelse Vastelaovend in 2021 neet hielemaal geruusloos aan ôs veurbeej te laote gaon. Welke activiteite d’r in 2021 waal doorgang zulle kenne vinge en in welke vorm dit zal gebeure, is op dit moment nag neet te zegke. Heej zulle de vereniginge aafzonderlijk en auch gezamenlijk euver naodinke. Haopelijk ken d’r op korte termién miër helderheid gegaeven waere.”