Op 12 januari is op zón 8500 adresse in Tegele, Sjteyl en de Hei ’t nieje Piepke wir op de deurmat of in de breevebös gevalle. De 37ste oétgaaf van ós vastelaoveskrant woort daags d’r veur geprizzenteerd beej kefee Coëba, de rizzidensie van vastelaovesgezelsjap De Beerpiëp.

 

In ‘t Piepke doon weej idder jaor ós vastelaovesprogramma oét de deuk en wuurt ouch oétgebreid in wäörd en beeld truuk gekeke op de hoëgtepunte van ’t vurrig sezoen.
Auch dit jaor is ’t Lempkesbal op vastelaovesmaondig in ’t Witte Hoés, georganiseerd in samewerking met De Boekaniers, joekskepèl Petatte Nelke en de sjtichting VAT.